Райхон - Tomchi

Mayda-mayda osmonlardan yogʻar yomgʻir
Bilarmikan qanchalar menga ogʻir?
Yolgʻon ekan yor sevgisi bildim oxir
Kerak emas menga yorning azoblari

Yomgʻir, yuvib ketgin mening dardlarimni
Alam toʻla sogʻinchli ul damlarimni
Unutganday boʻlay barcha gʻamlarimni
Kerak emas menga yorning azoblari

Osmonlardan yogʻadi tomchi-tomchi yomgʻirlar
Afsuski ushalmaydi soʻndi, soʻndi orzular
Koʻnikishga majbur yurak, ayro-ayro taqdirlar
Seni menga eslatadi bugun oʻsha yomgʻirlar

Vaʼdalarga ishonganim xato boʻldi
Bu holimga kimlar kulib kimlar yondi
Eslamayman deyman lekin yomgʻir yogʻdi
Kerak emas menga yorning azoblari

Sevgi degan tuygʻu asli oʻyinmidi?
Undan kutganlarim faqat azobmidi?
Menga shuncha koʻz yoshlarim kerakmidi?
Kerak emas menga yorning azoblari

Osmonlardan yogʻadi tomchi-tomchi yomgʻirlar
Afsuski ushalmaydi soʻndi, soʻndi orzular
Koʻnikishga majbur yurak ayro-ayro taqdirlar
Seni menga eslatadi bugun oʻsha yomgʻirlar